Kerukunan Keluarga Perantau Banjar

Informasi dan foto bubuhan Banjar di Jakarta, Bogor, Depok, Tangerang, dan Bekasi

Kisah Si Palui: Bakabun Kurma

http://www.geocities.com/Tokyo/Palace/5830/palui1.htm 

SALAWAS Palui madam kabanua urang inya kada sawat lagi mahaul aruwah abah wan aruwah umanya, makanya wayah inya bulik kabanua imbah musim haji tadi lalu baungkara handak mahaul jama. Makanya inya sakaluargaan barunding mamastiakan hari salamatannya, lalu siapa-siapa nang disaru wan mamikirakan napa makanannya.Jadi barunding sakaluargaan ini karna handak babagi tugas wan babagi urunannya, siapa nang manyadiakan baras, iwaknya hayam atawa daging atawa hintalu.Imbah ditantuakan harinya maka masing-masing kaluarga manyumbang sasuai wan bagiannya.
= Bus ujar Palui, aku minta tulung ikam supaya basaruan warga sa-erte-an gasan mahaul jama malam jumahat kaina.
+ Kira-kira barapa puluh samunyaan ujar Garbus batakun.Aku batakun ini supaya cucuk wan parsadiaan ikam karna dahulu wayah ikan basaruan salanggaran haja ada nang kada sawat ujar Garbus.

= Sakali ini kami ba aruhan baganalan handak mambayar nazar sudah dua talu tahun kada mahaul, makanya kami batuturuk bahan sapadangsanakan.Jadi ikam kada usah hawatir saru haja salanggaran wan sa-erte-an ujar Palui.
KAMUS SI-PALUI
WAYAH malam mahaul itu imbah tuntung mangaji, mambaca yasin wan batahlil,doa lalu langsung basusurung makanan.
- Cuba tangguh makanan ini napa iwaknya ujar Tulamak.
+ Mudahan kada kaya samalam, iwaknya cuma banyu sup wan kicap ujar Garbus.
- Tangguhanku musti hayam mati nang dimasak, hayam mati karna disumbalih ujar Tuhirang mahuhulut.
+ Wah……susurungan ini ngalih ditangguh karna iwaknya dipatak dalam nasi kaya urang baaruhan di pahuluan ujar Garbus.
LALU imbah tuntung makanan, masing-masing bakisah tanyata iwak dalam nasi nang disurung kada sama.
+ Aku hintalu masak habang ujar Garbus.
- Aku iwak garih batanak sahut Tulamak,
= Aku lain lagi, sambal guring hati ujar Tuhirang.
+ Kanapa maka basalamatan kada sama iwaknya ujar Garbus batakun wan Palui.
= Maka samalam sudah kusambat bahwa baaruhan ini urunan bahan makanan jadi tagantung masing-masing kaluarga nang mambarinya sahut Palui.
+ Dasar Palui kada kukurang akal supaya kada banyak biayanya ujar bubuhannya.
Imbah tuntung makanan lalu bubuhannya handak bulikan, tapi ditahan Palui satumat.
= Aku handak basadakah wan sampiyan sabarataan ujarnya, lalu Palui mambagi bungkusan palastik sabungkus saurang baisi kurma.
+ Alhamdulillah tamakan kurma ujar Garbus.Dimana ikam dapat kurma banyak banar kami sabugkus saurang ujarnya.
= Inilah barkat kami banyak bakabun kurma sahut Palui.
- Dimana Lui andak kabun kurma ikam itu ujar Tulamak.
= Kabunnya jauh tabagi dimana-mana, ada di Jeddah, ada di Madinah wan ada jua di Makkah sahut Palui mantap.
+ Wah sugih banar kaluarga Palui, kaluarga siapa ampunnya.
= Kaluarga Arab disana, kaluarga bubuhan arab jua…….. aku cuma umpat manukar haja ujar Palui.
+ Dasar Palui dimana-mana ma-akal taruuusss….ujar bubuhannya basurakan.

emhati/aan

About these ads

February 4, 2008 - Posted by | Kisah

2 Comments »

  1. assalamualaikum
    ulun ibnu matan banjar jua…bagawi dijakarta..
    salam gasan bubuhan nang ada di banua urang..

    Comment by ibnu miradtullah | April 6, 2009 | Reply

  2. Salam q haja bwt bubuhan kai jabuk
    rumput bazikir
    wan warung pawaluhan
    salam haja matan abang a’am higin urg banua
    terutama
    bwt hantu bagincu
    wan pucung pus’ap

    slm jg bwt para pembaca
    lw yg baca cwe
    tlp aq donk
    he he he

    tanks

    from ci’gung
    n abu ibrahim

    Comment by A'am | January 3, 2010 | Reply


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Follow

Get every new post delivered to your Inbox.

%d bloggers like this: