Kerukunan Keluarga Perantau Banjar

Informasi dan foto bubuhan Banjar di Jakarta, Bogor, Depok, Tangerang, dan Bekasi

Kisah Si Palui: Palui Bakacamata

http://www.geocities.com/Tokyo/Palace/5830/palui2.htm 
BULAN bajalan bulan, tahun bajalan tahun kada karasaan Palui makin batuha walaupun inya marasa kadada parubahan.Tapi nang musti awak makin babungkuk rambut di kapala makin mamutih wan bajalan sudah kada tapisah tungkat lagi.Kaya itu jua mata pina makin bakabur kada kawa lagi mambaca.
Karna kada paminanduan wan rancak tasalah itulah maka bininya manyuruh Palui supaya bakacamata haja.
+ Pian kak ai baiknya bakacamata haja, supaya jangan tasalah panglihat maklum sudah kaur, ujar bininya.
= Aku akur haja ding ai, supaya panjanak makin tarang wan supaya kalihatan makin aksi sahut Palui.
+ Biar batambah aksi kadada jua nang cagar handak wan sampiyan karna samuyaan sudah saraba lamah sahut bininya. himung
KAMUS SI-PALUI
Palui tulak ka duktur bapariksa mata lalu dapat risip kacamata. Alhamdulillah sudah bapanglihat saraba ganal ujarnya.
= Pilihakan kacamatanya nang dua warna supaya kawa dipakai siang malam ujar Palui.Imbah bulik ka rumah galu banar bininya kanapa maka manukar kacamata nang kaya anak muda haja.
+ Kacamata sampiyan itu pina kaya pamain band urang picak haja ujar bininya sarik.
= Tapi nang musti panglihatku wayah ini disamping makin batarang, ikam ding ai pina makin babungas, awak makin bakancang kaya wayah kita hanyar kawin dahulu ujar Palui.
+ Kada usah ma ambung, kalu handak malam kaina kubari haja sahut bininya.Ini nah aku asa gagaringan awak abahnya ai kalu kawa tulung pang ikam tulak ka pasar manukar iwak gasan makan tangah hari ini ujar bininya manyuruh.Kalu dahulu kada hakun disuruh karna alasan mata kada tapi hawas maka imbah bakacamata ini kira-kira kadada alasan lagi ujar bininya pulang.
= Akur haja aku disuruh kapasar salajur ba agak kacamata wan kakawalan ujar Palui.Lalu inya maambil sapida mahalunyur ampah ka pasar.Di tangah jalan batamuan wan Garbus, lalu Garbus managur :
+ Handak kamana Lui pina laju banar maninjak sapida ujar Garbus marawa. Rupanya karna kalajuan basapida kada tapi mandangar tatakunan Garbus lalu langsug manjawab :
= Kacamata hanyar haraganya salawi ribu sahut Palui.
+ Dasar Palui sudah mangalilu ditakuni handak kamana dijawabnya kacamata hanyar ujar Garbus dalam hati.
Imbah sampai di pasar Palui langsung ka bak iwak, malihat iwak pina ganal-ganal kalacungan lalu batakun :
= Barapa iwak ini satangguk ujarnya.
+ Dua ribu rupiah samunyaan ujar nang bajual.
= Kutukari samunyaan, bungkusakan baik-baik Palui lalu mambayari langsung bulik kahimungan karna marasa kamurahan iwak haruan ganal-ganal kaya pagalangan itu haraganya cuma dua ribu rupiah haja padahal biasanya nang kaya itu paling murah ampat ribu rupiah sakilunya.
Imbah sampai di rumah Palui malihatakan iwak tukarannya itu lalu bapadah haraganya murah banar.
+ Sampiyan talalu-lalu banar kanapa iwak saluang nang kaya kalingkingan ini maka ditukar mandua ribu rupiah ujar bininya bamamai manyariki Palui.Kalu aku manukar saluang kaya ini haraganya paling-paling lima ratus rupiah.Ini lain haruan tapi iwak saluang abahnya ai ujar biniya.
= Tadi panglihatku kaya iwak haruan ganal-ganal sahut Palui.
+ Buka kacamata sampiyan nang bakaca balur itu, lihati bahimat apakah ini iwak haruan ataukah iwak kalatau ujar bininya.
= Ooooo…….i’ihlah bujur aku tatukar iwak saluang.Ini kada salahku umanya ai tapi salah kacamata ujar Palui sambil minta maaf wan bininya.
emhati/aan
About these ads

February 5, 2008 - Posted by | Kisah

9 Comments »

  1. salam kenal aja

    Comment by taufik79 | March 10, 2008 | Reply

  2. Ass.Wr.Wb.ulun umpat malihat dangsanak2,habar2,atau ada pertemuan2 tlg habari ulun d Bekasi Utara,asal Amt.hsu.tangga ulin,tarimakasihlah

    Comment by kamarul hidayat | March 21, 2009 | Reply

  3. Salam bwt kwan ku nang ada di desa objek selatan
    ialah mira nita dan bayah
    salam semua hingin kwan q si herly nang ada di palapi
    salam jga bwt pemuda
    pmc
    matan riyan wan a’am
    by

    from:
    the best beatiful

    ci’gung@yahoo.Co.Id

    wslm

    Comment by A'am | January 7, 2010 | Reply

  4. Umpat bakisah

    0RANG balajar basapida mutur

    pd jman dahulu
    ada urang bangaran julak manangin
    sidin ngini kada suah manunggang nang ngaranya sapida mutur
    sidin ngini handak banar marasani manunggang nang ngaranya sapida mutur
    tapi sidin kadada baisi sapida mutur
    handak mainjam urang kada wani mainjami
    alasanya sidin kada bisa manunggang sapida mutur

    kada lawas sabulan imbah ngintu datang cucu sidin matan batu licin nang bangaran SANTUNGIN
    baya cucunya datang takurihingai sidin malihat sapida baandakan di halaman baluuum lagi si santungin naik karumah sudah sudah sidin minta lajari, bangaran orang tuha kada tahu sagala masin panas,paksaai santungin malajari,

    suruh santungin nai sidin ne tadi manya lingar,sampai pagat sandal kada jua babunyi, baya kada lawas mauai babunyi babuatai si santungin tadi di balakang,

    limbahtu’bisaai sidin mamasukakan gigi nya
    tapi pang maluncat2,bajalanai sapida ne tadi,tapi pang aur gigi tiga ha tarus,babaya naik gunung lalu kada naik,
    jar sintungin kurangi kan kai ai ka gigi dua

    umai,, ujar sidin gigi tiga haja kada naik apa lagi gigi dua,
    langusungäe di masukan sidin kagigi ampat

    baya kada lawas maragui rabahan napatia habis gigi palsu sidin patahan

    Comment by A'am | January 10, 2010 | Reply

  5. rasa kada biasa ding aiiii………….

    Comment by dukos | March 28, 2010 | Reply

  6. ulun minta izin umpat mangopy kesahnya….

    Comment by fachri | April 9, 2010 | Reply

  7. umay rami banrrr kisah pian ne… ulun copi laah

    Comment by sarmani | February 16, 2011 | Reply

  8. uln mntha azin mangofy kisahx

    Comment by avril | March 10, 2011 | Reply

  9. diñg sàñàk yg bàbiniàñ mñtà pàñg ñmr hp ñyà

    Comment by raihan | May 23, 2011 | Reply


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Follow

Get every new post delivered to your Inbox.

%d bloggers like this: