Kerukunan Keluarga Perantau Banjar

Informasi dan foto bubuhan Banjar di Jakarta, Bogor, Depok, Tangerang, dan Bekasi

Kunat Wan Bakas Luka

LAWAS baduduk di warung acil Isul, Tulamak kada tapi bapander, muhanya pina masam. Garbus kaya itu jua nangkaya ada nang dipikirakannya.

“Muha nang dipadahakan langkar itu kaya apa Mak?” ujar Garbus mamulai pander.

“Ikam itu mamulai pander langsung haja manyindir aku,” sahut Tulamak langsung tasinggung.

“Nah, nah kanapa maka ikam tasinggung,” ujar Garbus hiran.

“Ikam ini kaya Palui jua Bus ai, curing banar pandiran, halus tapi mancucuk sampai ka hati,” ujar Tulamak.

“Maaflah Tulamak, nang kumaksud itu adalah muha bibinian, kaya apa nang dipadahakan langkar,” ujarnya maulangi tatakunan.

“Napa pina rami mamander muha?” ujar Palui nang hanyar datang umpat manyahut.

“Kami mamader muha bibinian nang langkar,” ujar Garbus.

“Muha bibinian nang langkar itu Bus ai, putih, mulus, kancang, hidung mancung wan batahi lalat di atas bibir kaya muhanya si Zaleha,” ujar Palui.

“Aku kada katuju kaya muha Zaleha itu Lui ai,” ujar Tulamak.

“Napa alasannya Mak? Aku paham alasan ikam kada katuju cuntuh muha langkar si Zaleha nang disambat Palui itu karna ikam tamasuk patah hati wan inya,” ujar Garbus.

“Muha Zaleha itu biar putih kuning tapi ada bakas luka di dagunya,” ujar Tulamak mahapak si Zaleha gandaknya Palui.

“Kadada bakas luka di dagu Zaleha,” balas Palui.

“Ikam hari-hari batamuan wan Zaleha maka kada malihatlah bakas luka di bawah dagunya itu,” ujar Tulamak.

“Kadada Mak ai, sudah kulihat bahkan sudah kupusut dagunya kadada bakas luka,” ujar Palui mangarasi.

“Itu Zalehanya ampah ka sini, ayu kiyau, takuni lawan itihi bahimat Mak ai, mana bakas lukanya,” ujar Garbus handak manangahi.

“Ka sini ading Zaleha, umpat batakunlah “bujurlah di bawah dagu ikam itu bakas luka” karna dipadahakan Tulamak tanda itu adalah bakas luka,” ujar Palui sambil mamusut-musut dagu Zaleha.

“Sudah ulun padahakan wan kaka bahwa tanda ini lain bakas luka tapi adalah kunat,” ujar Zaleha pina baungah wan Palui.

“Nah, mandangarlah talinga ikam Mak, bahwa tanda di dagu Zaleha itu lain bakas luka tapi kunat,” ujar Palui maniru Zaleha.

“Palui, Paluiii… bantat jua sakalinya kada mangarti napa arti kunat dan napa arti bakas luka,” ujar Tulamak mangalakak tatawa manumpalak Palui. (rep)

http://banjarmasin.tribunnews.com/mobile/index.php/read/artikel/2011/11/30/158981/Kunat-wan-Bakas-Luka

February 7, 2012 - Posted by | Kisah

No comments yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: